تُوب اسود

عينى مكسورة وتُوبى اسود عريان
..كاشف جسمى
كل حته فيه بتتبرأ منى
على فطرة سبحوا وحمدوا
لكن اتدنسوا بسببى
حتى حروفى خجلانه تطلع منى 
النعمة ماشكرت والستر ما قدرت
الهم ما فهمت فاحتسبت
وعن الشكر انشغلت
لا كذبى او نسبى هينفعنى
بعترفلك نسيتك 
والنسيان من اسمى
لا وساوس شيطان او الاعيب بنى جنسى
هو ابليس نفسى 
غلبنى واتمكن منى
كنت عارفه و واعية
وده اكبر ما فى ذنبى

طهرنى ياربى
لجأت اليك
نضفنى من نفسى
صحيت فى صحرا لوحدى
لا اهل ولا صاحب ولا عمل ينفعى 
مده ايدى ياربى
استرنى .. استرنى انا
عريانـــــــــــــــــــــه
الا من ذنبى.. 
وهو ده توبى و همى