قماشة فاضية على لوحة رسم 
فرشاه وعلبة الوان بكر 
بلهفه فى لحظة عشق 
اترسم 
تُوب وردى جواه القلب اتلف 
نبضة و نبضة و نبضة 
اللوحة بقت دم 
اصل القلب مات من كتر الهم

..........................

الصبر لوحه كنفاة
مغزولة سكوت ومعاناه
رسمتها ضحكة وجينية اطفال
جواها قسوه و حرمان
لكن فى الاخر
بترسم بسمة على وش الاحزان
..........................

عــــــــــــــويل غابة من نار بتتحرق 
كانت شرارة ..اتوغلت واتوحشت 
بقت 
اعصار من نار و حلقات دخان 
ما نهاها الا الغفـــــــــــــار 
بطوفــــان امل من رحمة ونور ورضــــــــــا
حيرة.. تردد.. صمت...شرارات نيران اليأس 
واليأس 
حجيم النفس